Qanday tekshiramiz

Uch printsipimiz

Har bir tahlilimiz quyidagi uch printsipga asoslanadi:

01. Tekshirilgan faktlar

Manba ko‘rsatilmagan bironta da‘vo tahlilda joy olmaydi. Quyidagi turdagi, har kim ko‘ra oladigan manbalardan foydalanamiz:

• Sayt — narxlar, tariflar, kontakt ma‘lumotlari, footer, sahifa matnlari
• Ijtimoiy tarmoqlar — akkauntlar bor-yo‘qligi, faollik, kommunikatsiya uslubi
• Mijoz fikrlari — Google/Yandex Reviews, App Store, Play Market, ijtimoiy tarmoqdagi sharhlar
• App reytinglari — Play Market va App Store‘dagi baholar va sharh tendentsiyalari
• Ochiq yangiliklar — matbuot nashrlaridagi havola va xabarlar
• Xizmatni sinash — saytdan ro‘yxatdan o‘tish, qo‘llab-quvvatlash javob vaqti, ishlash xususiyatlari

02. Ochiq subyektivlik

Bizning fikrimiz har bir sahifada alohida “Jamoa fikri” bo‘limida beriladi. Fakt va fikr aralashtirilmaydi. Sahifa darajasida belgi orqali ajratamiz: Fakt (yashil) — tekshirilgan, manbasi bor. Fikr (to‘q sariq) — jamoa subyektiv bahosi. Ehtiyot (qizil) — diqqat qilish kerak bo‘lgan jihat.

03. Yakuniy qaror sizniki

Biz “X yaxshi”, “Y yomon” deb yakuniy hukm chiqarmaymiz. Faktlarni va o‘z fikrimizni beramiz — tanlovni esa siz qilasiz. Nisbiy.uz qaror qabul qilish jarayonidagi manbalardan biri bo‘lishi kerak, yagona javob emas.

Yangilanish va tarix

Har bir sahifada chop etilgan va yangilangan sanasi ko‘rsatiladi. Yangi ma‘lumot kelganda kontent yangilanadi, eski faktlar yangisi bilan almashtiriladi.

Tuzatish va e‘tirozlar

Agar siz xato fakt sezsangiz yoki o‘z loyihangiz haqida e‘tiroz bildirmoqchi bo‘lsangiz, biz bilan bog‘laning. Asosli e‘tirozlar 7 kun ichida ko‘rib chiqiladi.